زوجة الأب التي اعتدنا على غيرها

زوجة الأب التي اعتدنا على غيرها

في واحد جارنا مراته ماتت وسبتله ٣ صبيان أكبرهم كريم في ٣ ابتداء بعد موتها بفترة سمعنا انه داخل على مشروع جواز.

و فعلا اتجوز واحده مطلقه متجوزه مرتين قبل كده واطلقت لان كل دكتور رحت له اكد انها مستحيل تخلف قال دي انسب واحده عشان عيالي وخصوصا انه بيسافر بيجي اجازه كل ٢٠ يوم وهي صغيره في السن اوى وجميله اوي وشيك جدا.

وكلنا قلنا واحده زي دي والجمال والشياكه دي ازاي تربى ٣ اطفال مع مرور الوقت لقينا الاولاد حالهم بيتغير ١٨٠ درجه للاحسن بقو نضاف جدا واسلوبهم في الكلام حلو اوي اوي عمرنا ما سمعناها بتزعق لحد فيهم أو بتشخط فى حد واشتركت لهم في نادي والولد الكبير بتخليه يتعلم لعب الكاراتيه وجبت له مدرسين خصوصين في البيت وال٢ الصغيرين ودتهم حضانة.

والله كريم مش بينزل غير وقميصه مكوي يعني الحلو كله بتعمله معاهم جت مره تعبت اوووي عشان جوزها في شغله كلمت اخوها وراحو لدكتور قالها انتي حامل نعم حامل ازاى قاله

بقولك حامل مصدقتش راحت لدكتور و٢ و٣ قالو نفس الكلام وبعد شهر واتنين من الحمل الدكتور قالها انتي حامل في توام يالهوي علي فرحته مش هعرف اوصفها وقضت فتره حملها وطبعا كانت حمل في بنت وولد قبل ولدتها بشويه ابن جوزها الكبير قالها يا ماما عايز اطلب منك طلب وخاف قالتله متخفش يا حبيبي

 اطلب قالها اختي اللي جايه نفسي اسميها علي اسم ماما بدون تفكير او تردد قالتلها من عنيا يا كريم وجت معاد ولدتها جوزها قالها هودي العيال عند عمتهم لحد ما تولدي وتقعودي عند اهلك وتيجي رفضت بشده وقالتله عيالي ال ٣ هيجو معايه بيت اهلي وفعلا اخدتهم معاها قعدت اسبوعين ٣ 

امبارح بقا سمعنا صريخ وعياط طلعنا نشوف في ايه لقينا كريم عمه بيضربه ضرب مoت وده عشان مش بيسمع كلام لقينا مرات ابوه نزله تجري وشدت الواد من دراع عمه وقالتله لولا انك عمه وراجل كبير انا كنت مسحت بيك الارض ولو مديت ايدك عليه تاني هقطعهالك قالها دي مش ابنك قالتله دي ابني غصب عنك

وغصب عن الدنيا كلها انا عندي ٥ عيالي اللي هيقرب من حد فيهم هاكله بسناني وعلي الله ترمش لحد منهم بطرف عينك انا اللي هقفلك ومش هعمل حساب لحد وعلي فكره انا اللي قايله لكريم ميسمعش كلام اي حد انا ابني مش خدام عند حد وقعدت مسكت كريم وقالتله بشخطه متعيطش وبقولك قدام الكل متسمعش كلام
حد مهما كان انت فاهم ولو اتكررت تاني وحد مد ايده عليك يا كريم انا مش هرحمه وبعد الواد ما كان ميت من العياط مسكتش غير لما اخدته في حضنها

تفتكروا دى يتقال عليها مرات اب.. والله يا جماعه دول جراني مش قصه من الخيال