الظلم ظلمات

الراجل خلاهم دخلوه المسجد و بيصلوا علي المېت
و راح واقف قدام المصليين كلهم ، قال يا رب إنت عالم بصدق اللي بقوله...أمنته على مالي 177 الف جنيه من تمن سنوات كانوا شقايا في بلاد الله و كان صاحبي و قالي هندخل مشروع شراكة مع بعض و كلهم عليا .....
يا رب بحق كل يوم إتكسرت فيه بسببه قدام عيالي
بحق شقايا اللي راح قدام عيني
بحق المړض اللي ركبني من الحزن
بحق كل حاجة كان نفسي فيها و ما قدرتش أعملها
بحق تعبي و كسرتي و إبني بيقولي عاوز الحاجة الفولانية و ووطيت في الأرض من الذل
بحق كل عيد دخل عليا أنا و بيتي كأنه ميتم
بحق تعب مراتي و مرضها النفسي من الحاجة و حوجتنا للي يسوى و اللي ما يسواش
بحق ما أنا واقف دلوقتي و دموعي سابقة كلامي من الذل و الڠضب و الغيظ برد قلبي فيه
يا رب إجعل قپره حجيم إجعل مسكنه جهنم ، إجعل كل لحظة تعب عشتها آلاف من السنين يقضيها في أسوأ العڈاب
أنا مش هاخد فلوسي لو هيطوقوها ليا عشر أضعاف ...مش مسامحه يا رب فو عزتك و جلالتك ما تكسر قلبي و تسامحه
و راح طالع من المسجد الناس تحاول تشد فيه تعرف إيه الدور ليه عمل كدا ...طب فلوسك كام و تعالى نقعد و نشوف ولاده و إخواته ....قال روحتلهم كلهم في حياته محدش عبرني ....و دلوقتي والله لو هيدوني أعمارهم مش مالهم ما تلزمني....هو عند الحكم العادل دلوقتي و أنا حقي يفصل فيه ربنا ......و مشي الراجل يبكي وسط محاولات من الناس إنه يسامحه لدرجة واحد عرض المبلغ وقتي و لكنه رفض و مشي و قال جملة غريبة ....... ...." قال رفعت الجلسة و منتظر حكم القاضي خلاص خلصت "
سؤالي هنا
إيه حياتك كلها باللي فيها قصاد عملة سودة زي دي
إيه اللي كسبته ... إيه اللي عاد عليك ....يا سواد ليلك و يا نهايتك الطين و الله
يا جماعة حلوا مشاكلم في الدنيا لأن الحل في الآخرة مرعب
و ما تعتمدش على اللي وراك أصلاً يسدوا عنك لأن في الغالب محدش هيسد عنك ...و لو حد قلبه رق و حب يسد عنك ممكن اللي ليه ما يسامحش أصلاً .....دي رقبتك إنت حررها قبل ما ټموت
اللي يوصل واحد إنه يعمل كدا أكيد شاف ذل محدش شافه
الموضوع منقول .....لعل الناس تتعظ