مستحيل أنسي اللي حصلي في القطر

كنا في الصيف وكنت مسافرة واضطريت اني أركب القطر لوحدي ، كانت حوالي الساعة تلاتة العصر والقطر كان زحمة جدا .
وللأسف أضطريت أني اقف في وسط القطر ، وخلال وقت قصير اتعرضت لمضايقات كتير لغاية لما شاب وقف وقالي تعالي اقعدي مكاني .
قعدت مكانه ، وكان قاعد جنبي راجل كبير وقدامي ست معاها اولاد صغيرين وجنبها راجل قولت في بالي ده أكيد جوزها .
لكن لاحظت ان الرجل ده كل شوية يبصلي ويبتسم ويعمل حركات بعينيه !!
بصيت علي نفسي وهدومي لقيتها طبيعية جدا ، صحيح خفيفة شوية لكن مناسبة للجو الحر في الصيف
كرر تاني نظراته وغمزاته ، قولت في بالي ازاي تكون معاه مراته ويعاكسني ؟! معقول مش عاملها حساب للدرجادي ؟!! ولا هو جرئ زيادة عن اللزوم !!
وبعد شوية جه كمسري القطر ، وحصل بيني وبينه مشكلة بسبب التذكرة ، وكان عايزني أدفع تمن تذكرة رغم اني دفعت تذكرة قبل ما أركب !!
لكن الصراحة الراجل وقف معايا وأتكلم مع الكمسري وخلص معاه المشكلة .
بعدها الست اللي كانت جنبه أخدت أولادها ونزلوا وهو فضل قاعد ، وساعتها فهمت أنها مش مراته ولا كانت راكبة معاه .
و الرجل أخدها فرصة وبدأ يفتح معايا كلام وأنا اتحرجت مردش عليه علشان الموقف اللي عمله معايا ، وأنا حاولت انهي الكلام بسرعة لكنه أستمر في الكلام ، وبعدها سألني أذا كنت متجوزة او لأ لأنه مش شايف دبلة جواز في ايدي ، وقولتله أني مطلقة ، وقالي انه بيمر بنفس ظروفي لأنه هو كمان مطلق ، و سألني عن بلدي منين واذا كنت بشتغل او لأ وبفكر في الجواز تاني ولا لأ .
وبعد محطتين او تلاتة بدأ عدد ركاب القطر يقل شوية بشوية لغاية ما عدد ركاب القطر أصبح عدد قليل جدا .
كنت حاسة من وقت طويل أني عايزة أدخل الحمام لكن كنت بحاول اتحمل لحد ما أوصل ، لكن حسيت أني مش قادرة أتحمل أكتر من كده ، فقومت من مكاني ، راح سألني رايحة فين فقولتله رايحة الحمام ، فقالي أستني أروح معاكي علشان محدش يضايقك .
لكن المفاجأة أني لما دخلت الحمام فتح الباب وكان عايز … صړخت بأعلي صوتي وفي ثواني الناس أتلموا علينا وقولتلهم علي اللي حصل ، راحوا مسكوه وضر،بوه علقة سخنة .
بعدها مشوفتش وشة لحد ما نزلت من القطر وروحت البيت و أنا مش مستوعبة الموقف اللي حصل ، اللي أنا بعتبرة أصعب موقف مر عليا في حياتي .

أنتهت .