قصه حب جنوني كاملة من الجزء الاول الي السابع

9

جده... شمالك عيونك راحت وراها
اسد... لا جده شعدي وياها وغلست كتلهم حكوم اشوف الولد
طلعت بره ظليت اسولف ويه عمامي ونحجي انداريت على صوت ضحك ورايه شفت بنات عمي كاعدات عالمرجوحه وياهن غرام ولد عمي واكفين يمهم دك سوالف ضحك لاول مره حسيت بغيره على غرام من ذوله الواكفين نداريت واني مستغرب نفسي شبيه شنو سالفه اغار على غرام لك هاي انت ربيتها
اشرت لمحمد الي هو ابن عمي وصديقي كلش وكلش يعرف عني
يدخلهن جوه
راح محمد عليهن ودخلهن

غرام... جنا نسولف ونضحك اني وبنات عمي ولد عمي اجه محمد علينا دخلنا جوه اني بوكتها كل ظني محمد دخلنا من وره هاله لان نعرف بيناتهم نظرات

بس زهراء كلتلي شافت اسد حجه ويه محمد واجه وراها محمد علينا ركض دخلنا جوه وصعدنا فوك بغرفه عماتي جده بقتها وره مازوجن كالت حتى من يجن يباتن بيها فجانت هاي الغرفه ملتقانا اني وبنات عماتي وعمامي
صعدنا فوك ضلينا دك سوالف وضحك وراها نزلنا عالغده جان فارشين بالاستقبال ولان استقبال بيت جدي كلش جبير فكلنا كعدنا بي بالكوه كعدت تنورتي جانت كلش حصره عليه نوب اكعد جاكه تطلع رجلي ظليت احوص منا ومنا  نشمر عليه خاولي رفعت راسي لكيت اسد يباع عليه وحرك عيونه وحواجبه بمعنى تغطي بي
اني خليته على رجلي وكمت اكل

57

اسد.... واكفه وتحوص منا ومنا واني جنت اباع عليها داشوف شحسوي شون حتكعد بهذا لابسها وكلسع رافع راسي اباع عليها واكول هاي شكبرها صايره نوب كاعده وكلسع رجلها طالعه خبلتني شمرتلها خاولي جان على رجلي تغطي رجلها
محمد... اني محمد عمري 26 سنه مهندس معماري اني لازم المقاولات مال ابويه تقريبا كلها احب اشتغل من جنت بالجامعه واني اشتغل لحد ما كملت واني الحمدلله مكون نفسي اذا اكو شي احبه بالدنيا فهي هاله بت عمي وحبيبتي من جانت صغيره واني وعيني عليها لحد ماكبرت وصارت تخبل اتخبل اذا اشوفها تحجي ويه واحد من ولد عمي اظل خازرها بس هي ثوله بس تباع عليه ومفاهمه شبيه بيوم العزيمه قررت اكللها حتى تبقى الي

وره الغده كاعدين شفت هاله صعدت فوك سمعتها دكول حجيب الشاحنه من فوك انتبهت البنات ماكو وياها اني استغليت الفرصه وصعدت وراها لان  هوسه محد كدر ينتبه دخلت وراها للغرفه وسديت الباب

هالة: ظليت مصدومه هذا شبي صعد وسد الباب كتله ها محمد شتريد
محمد... اريدج
هالة... اني كمت ابلع بريكي يعني الشخص الوحيد الي ماكدر اقاومه هو محمد من جنا جهال هو دايما يدافعلي  ومن جنا نلعب عروس وعريس جان دايما يختارني اني العروسه باللعب

152

محمد... تقربت عليها وهي ترجع ليوره
هاله... محمد شتريد لحد يدخل علينا ويفتهم غلط
محمد.... اني اريدهم يفهمون
غلط
هالة... ماكد اوصف كميه الخوف الي ملاه داخلي
... شتريد مني
محمد... جريتها من خصرها بيد وحده صارت قريبه عليه كلش
هالة... محمد شبيك تخبلت وخر كمت ادفع بي حتى يعوفني
محمد... احبج
هالة... ظليت صافنه عليه نسيت اني بحظنه نسيت كلشي محمد يحبني
محمد... ظليت امشي ايدي ثانيه على وجهه تقربت بست خدها
هالة... دفعته محمد شدسوي ظليت اعدل بنفسي والخجل والمستحى صار عندي كلش قوي
دفعته وفتحت الباب وطلعت ركض نزلت جوه واني احس نفسي مصخنه رحت كعدت يم البنات ظليت ساكته وافكر بالي صار فوك

16

محمد... نزلت من فوك شفتها كاعده بنص البنات بس ظلت مدنجه اني ضحكت لان هي شكد لسان بس الخجل اكلها اكل
رجعت كعدت يم الولد

اسد.... ها ولك ضحكنا وياك
محمد... باوعت عليه كتله شغله ماتخصك
اسد... باوعت عليه بطرف عيني كتله ماشي

20

غرام... ظليت كاعده يم البنات سوالف وضحك اجوي علينا علي واحمد ومرتضى كالونا تعالو نلعب ورق فكعدنا كلنا نلعب اني جنت كاعده بصف مرتضى لزك لان اصلا اعتبره اخويه فعادي وكلسع يضرب بيه واني اضرب بي  هو اكبر مني بسنه

11

اجتي نبأ عليه كلتلي اسد يريدج بالاستقبال
اني بلعت ريكي كلت هذا شيريد يربي كمت واني اتافف رحت للاستقبال جان ماكو احد داطلع شفته دخل للاستقبال اني جمدت بمكاني كتله ها عمو صحتني

4

اسد... شنو هاي الكعده السزز الكاعدتها بره فدنوب كعدي بحظن مرتضى…….يتبع