حب من طرف واحد كامله بقلم هويدا زغلول

صحكت ليلي وردت عليها وقالت _
هههههعع ضحكتني  يا تيته وانا ماليش نفس اضحك..

الجده بجديه قالتلها _
لا اضحكي حتي لو مالكيش نفس اضحكي للدنيا وارمي حمولك علي ربنا وقوليلو انا وكلتك امري فابعد عني الشر وقدملي الخير وقربه مني..

اتملت عيون ليلي دموع وقالت _
ياارب انا وكلتك امري ابعد عني الشر وقربلي الخير يااارب..

_فضلت تتكلم مع جدتها شويه وبعدين راحت جدتها نامت وهي كانت قاعده مدايقه ولما طلعت البلكونه شافت اسر داخل البيت اتملت عيونها دموع ودخلت قعدت علي السرير وبعدين جات رساله علي موبيلها ولما فتحتها لقيته حازم باعتلها...

حازم ـ
انا اسف لو بزعجك بس قولت ابعتلك اللوكيشن واتمني تقبلي العرض بتاعي وتشنغلي معايا...

اتنهدت ليلي بقلق وردت عليه وكتبتله _
ان شاء الله، لو حضرتك فاضي بكره انا ممكن اجيلك؟.

رد عليها بسرعه وكتب _
فاضي طبعا تشرفي المطعم في اي وقت وياريت تجيبي معاكي تيته عايز ارحب بيها عندي واوريها المطعم..

ابتسمت ليلي علي طريقته الذوق وردت عليه وكتبت..

ليلي _
تمام هقولها وان شاء الله نيجي انا وهي عند حضرتك بكره

حازم _
تمام وانا في انتظاركم..

_قفلت ليلي معاه وبعد كده مسحت كل صور اسر من عندها علي الموبيل، وتاني يوم اخدت جدتها وراحو المطعم عند حازم واول ما نزلو من الاوبر قالت ليلي بانبهار..

ليلي _
ايه ده يا تيته كل ده مطعم..

الجده _
ده طلع غني اووي وانا اللي كنت فاكرااه زي اسر...

ليلي ـ
هو قعدته معانا بصراحه وتواضعه يخليكي تحسي انه انسان بسيط جدا، دغع اني لما بتكلم مع اسر بحس انه وزير ومداري علينا...

ضحكت الجده وقالت_
ههههههههه بس غلبان هو اسر ده عايز يعمل نفسه حاجه كبيره بس من جواه غلبان..

ليلي بغيظ ردت عليها وقالت _
يلا ربنا يهني بيه الست سيلااا..