غدر
غدر بقلم هبة أحمد
المحتويات
هات البيتزا والولاد وتعالى هناكل كلنا مع بعض ولا تتكسفوا من مجدى
دكتور مجدى هاجيب الاكل وبعدين الولاد
نوسة فوقى ابت انتى بخير
دكتورة هدى هاطلع اجيب الولاد بسرعة وطلعت وشوية ونزلت شايلة بنت فى عمر الزهور عندها حوالى 14 سنة معاقة قعيدة الفراش لا تستطيع حتى اطعام نفسها
دكتور مجدى اتفضلوا الاكل برة انا هاكل حنان وهابقى اكل
بسنت طفله ذات ال 6 سنوات السلام عليكم محمد نسى يقول السلام عليكم
محمد اسف والله اصل كنت عاوز ااكل حنان لانها جعانة
منار بنتكم دى
دكتورة هدى ايوة وهى مولدة كدة ودوخنا بيها على الدكاتر الحمد لله محمد اخوها هو اللى بيعمل ليها كل حاجة وبسنت بتساعده
دكتور مجدى لما خلفنا حنان الدكتور قال هى هتفضل معاقة ممكن تحصل معجزة وحالها يتغير وتبقى شبة طبيعية وممكن نعطيها حقنة ونخلص الليلة انا اخدت بنتى انا وامها ورجعنا بيها وبصراحة الحمد لله ربنا وسع رزقنا الحال انصلح واخدنا الشقتين دول واحدة عيادة والتانية سكن وربنا كرمنا بمحمد وبسنت وهدى حامل فى ولد
دكتورة هدى انا كنت عارفة ان بنتى هتولد معاقة وقولت لمجدى قال كل اللى يجيبة ربنا خير
منار انتم ايه عندكم صبر وعزيمة ربنا يبارك فيكم
دكتور مجدى كل اللى يجيبه ربنا خير ارضى بعطاء الله يجعل ليكى مخرج
نوسة بس انتم المفروض ترفعوا الفيزيتا شوية هو فى حد بيكشف ب 30 جنية دلوقت
دكتور مجدى ربنا مبارك فيهم الحمد لله هاعمل الشاى
دكتور مجدى مفيش اسف بين الاخوات
دكتورة هدى بقولكم ايه انتم المفروض تقعدو فى مكان محدش يعرفكم فيه لحد ما تولدوا علشان لما نوسة تكتب العيال على اسمها هى وابوكى محدش ياخد باله
دكتور مجدى عندك حق ياهدى اية رأيك يقعدو فى شقتنا القديمة
دكتورة هدى فكرة حلوة شوف مين بيخبط هى ثريا ما حطتش اليفطة اللى مكتوب عليها العيادة مغلقة
دكتورة هدى تعالى ياعمى هم معايا اصل منار كانت تعبانه شوية
الحاج ايوب الف سلامة عليكى يا بنت الغالى
منار الله يسلمك ياعمى
دكتور مجدى بما ان حضرتك جايت عوز اخد رأيك فى حاجة وبعد انتهئ كلامة اية رأيك
الحاج ايوب هو دة الكلام الصح انا موافق اية رأيكم يا بنات
الحاج ايوب حاضر هاشوف حد ياجرها
نوسة هنمشى احنا
الحاج ايوب وانا هاصلى المغرب وجاى فاتوا على الحاجة طمنوها انكم بخير
دكتور مجدى هاطلع حنان وانزل اروح اصلى معاك
الحاج ايوب هانزل ادامك تشكر يابنى ربنا يبارك فى عمرك يا دكتورة هدى
الحاج ايوب يوصل يادكتورة وتركها ونزل راح الجامع
دكتور مجدى اطلعى انتى وانا لو حد جة هاكلمك
دكتورة هدى حاضر
طارق قاعد على القهوة مع عماد ومنصور وحيدر
حيدر روق يا هندسة خير ان شاء الله
طارق هاموت من ۏجع ضميرى انا ظلمت منار جامد وكنت السبب فى مۏت ابوها وياترى هى عايشة فين وحالتها هى وزوجة ابوها حالهم اية بدل ما اكون فى ضهرها عرتها وكشفت سترها منك لله يا عزيزة انتى والزفت زوجك
عماد ذنبك اكبر علشان جريت ورا كلام اختك من غير ما تتحقق من كلامها
منصور د ربنا سبحانه وتعالى قال فما معانه اذا جائكم فاسق بنبا فتبينوا
طارق صدق الله العظيم ونعم بالله انا فعلا ارتكبت چريمة
عماد ان شاء الله هنلاقيها وهترجع تنور بيتك
طارق
انا تعبان حاسس ان دماغى هتفرقع
عماد طب وبواب العمارة اللى هى ساكنه فيها قالك ايه
طارق حلف ان كل اللى يعرفه عنهم انها وخالتها سافرو عند اخوها مصطفى بس انا شاكك فى انهم يروحوا عند مصطفى لانها قالت ان مصطفى قطع علاقته بيهم من ساعة ما سافر
حيدر بسيطة هات
اسمها وانا هاعرف اذا كانت خرجت من البلد ولا لاااااا
عماد وانا هرمى ناس تتصاحب مع البواب وتطلع منه باى حاجة
منصور ان شاء الله ربنا هيعطرك فيها
طارق ونعم بالله هاروح عزيز هات الحساب
عماد الحساب عند الاخ دة وخبط على كتف حيدر
حيدر عيونى روح ياحبيبى سلم على الحاجة
عماد لازم نعمل حاجة يا ولاد طارق بقى دبلان منك لله يا عزيزة انتى والزفت مراد
حيدر والله هاين عليه اروح اۏلع فيهم دول عالم مقرفة
منصور هروح انام شكلى ضغطى عالى
حيدر لو كدة تعالى نروح للولد مختار زمانه معندهوش حد فى العيادة
منصور مش مستاهلة عوزين حاجة
عماد تسلم والف سلامة عليك
نوسة خالتى بدرية احنا جاينا
الحاجة بدرية حمد
الله على السلامة
منار ازيك ياطنط بدرية
الحاجة بدرية هاجيب ليكم محشى لسة ساخن زمانكم جعانين
نرجس مامى وحشتنى انا كنت باعيط عليكى
نوسة بقولك ياخالتى هندخل وانتى روحى هاتى حلة المحشى بحالها وتعالى عوزين نتكلم معاكى وكمان كلمى عمى ايوب يحضر الكلام
الحاجة بدرية حاضر ههههههه انا عاملة حسابكم فى حله ليكم
منار اطلعى هاروح اجيب شيبسى و شيكولاتة لقلبى دى
نرجس هاجى معاكى ماشى
منار ماشى هو صادق فين
الحاجة بدرية بيذاكر جوه
نوسة هادخل ياخالتى منار تعبت اعصابى النهاردة
صادق ستى هانزل اروح اشحن علشان اكلم ابوية يمكن قلبه يحن علينا دوحشنى جامد
الحاج ايوب سيبة يابنى هو لو عاوز ياجى هياجى لو وراه شغل الدنيا
صادق حاضر ياجدى اصله وحشنى وكان المفروض نكون مهمين عنده زى شغله مش رمى المسئولية عليك انت وستى وسافر
الحاج ايوب هو انا فى يوم خليتكم ناقصكم حاجة
صادق الصراحة انتم بتحبونا اوى ولولاكم كان زمانى انا واختى متبهدلين
ألحاج ايوب انا عمرى ما اقدر اعيش من غيركم انتم نور عيننا انت واختك
الحاجة بدرية بدموع اوعك تفكرو تبعدو عنى انا ممكن اموت ساعتها
صادق هو احنا لينا حد ممكن يسأل علينا ربنا يخليكم لينا هى نرجس فين
الحاجة بدرية راحت السوبر ماركة مع الست منار على فكرة نوسة بتقول عوزاك فى موصوع ياحاج
الحاج ايوب هاصلى العشا واجاى لعندكم
الحاجة بدرية هاخد حله المحشى واروح عند البنات
صادق هاروح اصلى مع جدى واجاى اذاكر
منار خد ياعمى الحاج تمن الحاجة
صاحب السوبر ماركة خدى الباقى هو انتم سكان جداد فى المنطقة
منار ايوة سكانين فى البيت اللى فى وش عمى ايوب مسعد عمران
صاحب السوبر ماركة نورتوا المكان ادى الكارت فية رقمى لو عوزة اى طلبات كلمينى وانا هابعتها لحدكم مع الصبى اللى شغال هنا
منار تشكر ياعمى الحاج السلام عليكم
نرجس فين الشيكولاتة بتاعتى
منار مع الحاجة فى الكيس نروح بس وتاخديها
نوسة الله ينور عليكى ياخالتى نفسك حلو اوى
منار دى ريحة محشى فعلا ولا انا بحلم
نوسة لا يا ماما المحشى دة ليه انا والبيبى بتاعى وبس
منار نعم دانا ممكن اقټلك
الحاجة بدرية هههه بالف هنا
نوسة دى حوت مش بنى ادمة
الحاجة بدرية الدكتور مجدى قال ليكم اية وغبتوا لية كده
نوسة الاخت دى لما عرفت انها حامل اتعصبت وقعدت تزعق وفى الاخر وحكت اللى حصل
الحاجة بدرية كل شيئ مقدر ومكتوب يابنتى تعرفى لما حسام اتخرج وجه خطب واحدة كانت طمعانة فيه عمكم ايوب وضب الشقة اللى احنا قاعدين فيها وانا وهو نزلنا الدور الارضى وبصراحة انا كنت معترضة على الزواج من ام صادق كانت ست مغرورة ومش مبطله طلبات المهم عمكم ايوب قال هو حر ربنا يسعده ويجعلها زوجة صالحة وانا سكت واتزوجوا وقعدت معاه تلات سنين كل شهر يا ڠضبانة ياتعبانة ابنى باع العربية وكمان حتة ارض عشر فدن وخلص تمنهم عليها وابوه كل شهر كان بيعطية من معاشة وفى الاخر طلبت الطلاق فى المستشفى وكتبت تنازل عن الاولاد فى مقابل تاخد العفش والمؤخر بتاعها وانا اللى اخدت نرجس وصادق وربيتهم وابنى ياحسرة قلبى عليه سافر ونرجس عندها شهر مرجعش كل شهر يبعت مصروف الولاد وعمكم ايوب فتح لكل واحد منهم دفتر توفير وكل شهر بيحط مصروفهم اللى حسام بيبعتة ليهم فى الدفتر
نوسة يااه يا خالتى دا انتى شايله ياما
منار ربنا يطول عمرك انتى وعمى الحاج علشان الولاد الغلابة دول
الحاج ايوب السلام عليكم
منار اتفضل
يا عمى ادخل
الحاج ايوب مالك يا حاجة احمدى ربنا ان فى نرجس وصادق اهم محسسنا اننا عايشين
نوسة روقى يا خالتى و اذكرى الله
الحاجة بدرية لا اله الا الله محمد رسول الله
الكل عليه افضل الصلاه وازكى السلام
منار عمى ايوب ايه رأى حضرتك فى كلام الدكتور مجدى
الحاج ايوب كلامه عين العقل طلما انك معلش فى الكلمة دى مش معاكي ورقة رسمى
تثبت انك كنتى متزوجة
منار طب والناس اللى فى المنطقة اللى احنا هنسكن فيها هنقول ليهم ايه
الحاج ايوب نوسة اكيد معاها شهادة وفاه الحاج جابر الله يرحمه وقسيمة زوجها انما انتى قولى ان زوجك مسافر وانتى هتروحى له بعد الولادة وخلى بالكم من كل كلمة تتقال
منار وبعد الولادة هنرجع هنا طبعآ انا مش هارجع شقتنا اللى فى الساعة تانى الاستاذ اشرف چارنا هيشتريها
الحاج ايوب على رأسى يابنتى انتى جدعة شوفى حد يشتريها واعملوا بتمنها مشروع او حطية فى البنك وخدى ريعة على معاش المرحوم هتعيشوا كويس
نوسة طب ممكن حضرتك تشوف حد يسكن الشقتين اللى فوق شقتنا انما الدور الارضى انا بفكر اعمله اى حاجة
منار وندفع ايجار شقة منهم للدكتور مجدى وايجار الشقة التانية تشيلة لمصاريف الولاده
الحاجة بدرية بلاش تمشوا على طول خليكم لما الناس هنا تعرف انك حامل يا نوسة وانك تعبان جامد والدكتور قال لازمك متابعة مستمرة وهتقعدى عند اختك قريب من الدكتور وعلشان تاخد بالها منك
منار انتم مرتبين كل حاجة ربنا يستركم ويحفظكم
نوسة امين يارب العالمين حاضر ياخالتى
منار معاكى رقم عمك مصيلحى ابت
نوسة انوكل مصيلحى لاع يا قلبى
الحاج ايوب انا ممكن اروح اتكلم معاه لو تحبوا
منار لا بلاش هو لو عرف اننا هنبيع الشقة ممكن يتفق مع المشترى وياخد منه فلوس كتير ولا ممكن مصطفى يكون بيتوصل معاه انا هابقى اكلم الاستاذ اشرف المحامى يشترىها لو كان صادق فى كلامه
الحاج ايوب تمام كده راتبوا مع الحاجة بدرية على اللى هيتعمل
نوسة كان نفسى الحاج جابر يكون موجود كنا بقينا تحت ضله
منار بدموع اسفة يا نوسة انا السبب فى مۏت ابويا
الحاج ايوب دى اعمار يا بنتى ربنا يرحمه
نوسة ربنا يرحمه ربنا كبير وكريم شوفتى انا وانتى ربنا سبحانه وهب لينا الذرية من حيث لا ندرى ولا نحتسب
منار ونعم بالله العلى العظيم
الحاجة بدرية فين نرجس علشان نسيبكم ترتاحوا
منار نرجس نامت جواه سيبيها ياطنط هى معايا
الحاج ايوب يلا ياحاجة تصبحوا على خير خلوا بالكم دكتور مجدى بيكون ابن ابن عمى ومرأته بنت
متابعة القراءة
