قصة الشقة الجديدة (كاملة)

جاتلي حاله فزع بس قولت لازم اكمل وفعلا ابتديت ادخل الاوضه ادور علي اي دليل …
دخلت اوضة النوم ملقتش اي حاجة غريبة وبعدين دخلت المطبخ والصاله ملقتش اي دليل..

فتحت أوضة الأطفال ودخلت.. قلبي وقف ودمى نشف وتصلبت مكاني …!
الست بشكلها المرعب قاعده في ركن ضلمة والباب اتقفل ورايا بصيت ورايا بسرعه لاقيت البنتين واقفين ورايا..!!

وقفت مكاني متحركتش وهي ابتدت ترفع راسها وتكلمني..؟. وقالت: مش هتلاقي حاجه هنا دور ع العروسه فاضلك يومين وبعدها ازيكوا بصوت عالي ومخيف..
وبعدين اختفت هيا والبنات.. فتحت الباب وجريت علي بره وخرجت جري من الشقه وانا بقع وبقوم من الخوف …

جريت ف الشارع وقفني غفير المنطقة وقالي مالك يا بشمهندس احمد.. ؟؟
قعدت معاه وسألته عن الشقه دي واي حكايتها..؟؟

رد وقالي انا كنت عاوز اقولك من اول م جيت بس الشركه محرج عليا محكيش..
قولتله لازم تقولي وحكيتله علي اللي حصل معايا انا واسرتي.
قالي لا كده لازم احكيلك: الشقه دي ملك الحاج ناصر وحصل فيها حريقة من حوالي ثلاث سنين وزوجته وبناته الاتنين ماتوا وهوه الحمد لله ربنا نجاه.. 

وفضلت الشقه محدش بيقعد فيها ولا عاوز يأجرها من اهل المنطقه عشان عارفين الحادثه اللي حصلت فيها لغايه ما جت الشركة بتاعتك أجرتها من الحاج ناصر وكان فيه مهندس قبلك قاعد فيها بس مكملش يومين ومشي …

ولما انت جيت الشركة نبهت عليا مقولكش حاجه وهوه ده كل اللي اعرفه يا بشمهندس..

سيبته ومشيت ومصدوم من القصه طب انا عرفت قصة الست وبناتها بس برده معرفتش ايه اللعنة وازاي افكها …؟؟
روحت البيت وحكيت لمريم كل اللي حصل اللي قالتلي انها لسه حاسه بحاجه غريبه برده في شقتنا وابتدينا نفكر تاني …
وانا قاعد سرحت ونمت وشوفت حلم غريب..؟؟