قصة الشيطان الذي سجد لفتاه كامله بجميع الاجزاء

شهد.. اه ما احنا هنقضي اسبوعين عسل هناك بعد الجواز

المدام.. بعد الجواز ؟!! انت مش قلتلي ان امك تعبانه في البلد وهتاخد اسبوعين اجازة عشان تسافر وتقعد جمبها
شهد.. اغص عليك يا كمولة.. انت مش قلتلي انك هتقول لمراتك علي كل حاجة وقصة الحب الجبارة اللي بينا واننا قررنا نتجوز خلاص
المدام..حب وجواز وبتضحك عليا وعاملي عيد جواز وانت ناوي تتجوز عليا واحدة اد بنتك !!! اه يا شايب يا عايب.. طلقني يا كمال

كمال.. اطلقك ؟!! انتي بتقولي ايه يا نورهان.. دا انا بمoت فيكي وما استغناش عنك

المدام بسخرية.. ما انت استغنيت خلاص وبصيت لوحدة من دور بناتك.. يا اخي اختشي علي دمك دا انت بقيت جد.. طلقني يا كمال يا اما هعملك فضيحة قصاد الناس كلها ثم تتركه وتنصرف

شهد.. رايحة فين يا طنط ؟!! طب قليلي مبروك
كمال.. الله يخرب بيتك.. انتي مين وجيتي من انهي داهية
شهد..بعد اذنك يا اونكل عشان مستعجلة.. بااااي وابقي سلملي علي طنط نورهان
الجزء الاخير من القصة بعد ظهر هذا اليوم فقط استعدوا فالاحداث شيقة..

جلست شهد أمام اللاب توب وهي تشعر بنشوة الانتصار بعد ان نجحت في فعل المصيبة رقم ٣ وبعثت رسالة عبر الماسنجر إلي الشيطان مكتوب فيها تم .

الشيطان.. شاطرة يا شهد.. فعلا تستحقي تكوني الانتيم بتاعي بنت داهية بجد
شهد.. عجبتك ؟
الشيطان.. لو افعالك دي معجبتش الشيطان هتعجب مين يعني ؟!! 
شهد.. عملت ايه في الفيزا اللي وعدتني بيها ؟