حصل معايا حاجه اغرب من الخيال

قولتلها ايه رأيك تيجي تسهري معايا
قالتلي لأ اخاڤ انت اسهر معايا
كنت مش مصدق اللي انا سمعته قولها ماشي يلا بينا .
وقفنا تاكسي وبعد اقل من ربع ساعة كنا بننزل من التاكسي قريب من
بيتها
كنت مش مصدق اني هسهر مع البنت القمر دي ! ده انا
كأني بحلم !!
قالتلي انا همشي لوحدي وادخل
هي مشيت وانا مشيت
وراها بهدوء لحد ما شوفتها دخلت بيت وانا بعد اقل من دقيقة دخلت
لحد كده اللي حصل ده ممكن يحصل مع اي حد عادي .
لكن اللي حصل بعد كده كان مش عادي ابدا !!
بعد بحوالي عشر دقايق فوجئت بأبوها وأمها واخواتها والمأذون واتنين شهود داخلين علينا وقالولي لازم تكتب كتابك عليها لټموت !!!
الصدمة لجمتني لثواني بعدها وقفت وحاولت اهرب منهم لكنهم مسكوني !!
مفيش حل قدامي الا اني اوافق !!
وفعلا كتبتنا الكتاب ومضوني علي اوراق لو دخلت بيها السچن مش هخرج منه ابدا !!
نزلت من هناك وانا مش مصدق اللي حصل معايا وكأنه كابوس !!
بعدها كلمتها في التليفون وسألتها عملتي فيا كده ليه انتي تعرفيني قبل كده علشان تعملي فيا كده
قالتلي انا علفكرة بنت محترمة لكن الظروف وقعتني اهلي قالولي اتصرفي وهاتلنا اي عريس والسلام و نزلت الشارع و حظك هو اللي وقعك في طريقي !!
قولتلها لأ ده مش حظي ده والشيطان اللي ضحك عليا و نفسي الأمارة بالسوء هما اللي عملوا فيا كده .
طلبت منها اني اطلقها واخد الاوراق اللي مضيت عليها لكنها رفضت الا بعد ما نعمل فرح كبير ونقعد سنة علي الاقل علشان كلام الناس !!
ومن ساعتها مش عارف اتصرف وحتي اهلي ميعرفوش الموضوع ده .
ودلوقتي بقول لكل شاب قرأ حكايتي اوعي تستسلم للشيطان اتقي ربنا والا هيحصل معاك زي اللي حصل معايا .
انتهت .