رواية ممنوع من العرض كاملة بقلم ايه محمد

ضحكها العالي لصرخات وهي بتحاول تحرر ايديها من فريد..
قعدت في الكرسي بعد ما حست بالتعب من مقاومته و سندت راسها علي الكرسي وهي بتتنفس بعمق بتعب كبير و بدات صرخاتها تهدي و تتحول لبكاء صامت
بصلها بإستغراب كبير و اتجه للكرسي بتاعه وقفل العربيه من جوا و اتحرك في طريقه مره تانيه للبيت..
وصل فريد بيها للبيت كانت نامت و لسه أثر الدموع علي وشها قرب منها وشالها و دخل بيها لأوضتها سابها في سريرها وجمبها الباروكه بتاعتها و الطاقيه والذقن المستعار و قفل الباب و خرج..
اتجه للأوضة اللي فيها البنات وفتحها لما سمع صوتهم فيها بينادوا عليه بعد ما سمعوا صوت عربيته..

وبرغم اتفاقه المسبق معاهم انهم ميطلعوش اي صوت طالما دخلوا الأوضه دي واللي كان بابها من الحديد و بتتقفل بقفل إلكتروني وفي زاويه بعيده في البيت كدرع ليهم لو حصل أي هجوم
تقي پخوف فين سليم وأحمد!!
شذا فريد هما كويسين صح!! وماما فين
فريد تعالوا اقعدوا برا متقلقوش..
فريد خرج قدامهم وهو ماسك تليفونه بيتصل علي أحمد
احمد متقلقش يا فريد احنا خلاص راجعين البيت أهوه و سليم كويس و عمتي معانا متخافش عليها..
فريد ماشي يا احمد خلوا بالكم..
احمد تمام متقلقش..
فريد متقلقوش سليم بس اتجرح چرح بسيط وانا خليت احمد يوديه المستشفي وخلاص هما قربوا يرجعوا متقلقوش هو كويس..
شذا طب هو ايه اللي حصل دلوقتي انا سمعت صوت رصاص!!
فريد متقلقوش انا عارف مين دول و هعرف أتعامل معاهم كويس..
.
تاني يوم سليم كان نايم في أوضته بعد ما رجع بليل متأخر و الكل إتطمن عليه لكن في عيون تانيه سهرانه محتاجه تطمن بطريقتها.
كانت قاعده جمبه بصاله بهدوء كبير و باصه علي چرح رجليه بحزن و خوف برغم بساطه الچرح..
شذا بحب نايم زي الملاك البرئ وأنا عينيا مغمضتش حتي!! قد ايه الحب دا ظالم ومفيهوش عدل
قربت ناحية الستاير وقفلت الجزء الصغير اللي كان بيتسلل من خلاله جزء صغير من ضوء النهار و رجعت قعدت جمبه من تاني وهي باصه للباب بقلق إن حد يدخل الأوضه..
شذا بهمس ألف سلامه عليك ربنا يحفظك من كل شړ لو جرالك حاجه ھموت يا سليم..
ولا أقولك لا مش هيجرالي حاجه اصلا اصلا انا كرامتي ضايعه في العلاقه دي و انت حتي مش شايفني مش مسمحاك يا سليم وبكرا لما تتجوزني ڠصب عنك ان شاء الله هخليك تحبني و بعدين هندمك علي كل لحظه ودا مش إنتقام لا دي طريقتي في التعبير عن الحب و ان كان عاجبك بقي..
سليم بهمس شذا!!
فتحت عينيها پصدمه وبصت علي عينيه اللي فتحها ببطئ وكأنه بيصور تصوير بطيئ وبصلها بإبتسامه من غير ما يتحرك من مكانه اتراجعت بإحراج كبير وخرجت من الاوضه بسرعه وهي بتجري علي أوضتها..
سليم بضحك مجنونه قال مش شايفك قال دا أنا مش شايف غيرك يا شذا..
..
فتحت عينيها بتعب كبير وكسل غريب مش متعوده عليه اتعدلت علي سريرها حاسه بصداع قوي فمسكت راسها پألم.
فجأه بصت قدامها پصدمه وأحداث اليوم كلها بتمر قدام عينيها حطت ايديها علي وشها پصدمه من اللي عملته قدام فريد وأنه عرف حقيقتها.
عينيها إتملت بالدموع و كانت علي وشك أنها تبكي ولكن لمحت ورقه قدامها علي السرير.
سميه كانت قيلالي الحقيقه ولكني احترمت رغبتك.. فريد.
مكانتش فاهمه تعمل إيه وحتي عقلها كان واقف عن التفكير أخدت شاور دافي علشان تهدي أعصابها من اللي حصل و غيرت لبسها و حطت الباروكه و الطاقيه و الذقن و كأن شيئا لم يكن..
خرجت وبدأت تجهز الفطار وهي شارده في قرارها أنها تعمل كدا و تستخبي ورا لبس شاب بسبب اللي حصل معاها قبل كدا
..
فريد كان قاعد في مكتبه وقدامه التسجيلات واتبين أن العربية تبقي ملك نفس الشاب اللي معاها في التسجيلات طارق منير رجل اعمال معروف..
زين مش معقول يعني يا فريد أنه يفضل مترصد لطباخه عنده في البيت بعد ما سابت الشغل ب اربع شهور وزياده.
أكيد حاططها في دماغه المهم انت تعرفها منين!
فريد هحكيلك بعدين خلينا في الأهم يا زين أنا عرفت مكان مخزن الأسل حه بتاع ريان وعرفت كمان ان المكان مليان كاميرات مراقبه عاوزك تجيبلي تسجيلات المراقبه دي..
زين حاضر يا فريد بس إديني شوية وقت لأني علي ما بفك شفرة البيانات ممكن تتغير في لحظه..
فريد أنا مش مستعجل انا بس عاوز شغل هادي من غير ما ياخد باله..
اتحرك فريد من علي الكرسي بتاعه و وقف جمب شباك المكتب المطل علي الحديقه وعينه جت علي زهره اللي بتاخد اعواد نعناع و دخلت بيهم..
وبرجوعها فاق من شروده و بص لزين مره تانيه..
فريد ريان هو اللي قت ل أبويا و عمي ومراته من 4 سنين يا زين و مهم عندي اوي أني اخدلهم حقهم..
زين معاك يا فريد و ان شاء الله حقهم هيرجع متقلقش..
فريد قولي بقي أنت هتيجي إمتي تتقدم لتقي! شايفك داخل خارج عندنا كدا ولا شوفت في ايدك علبه جاتوه ولا ازازه بيبس حتي!!
زين بضحك والله مستني سليم هو اللي يقولي معاد اجي فيه عمتا هو كلمني بالفعل امبارح وقالي هيستناني بكرا بليل و هجيب أهلي..
فريد اتمني يوافق عليك أنت فعلا شاب كويس..
زين پصدمه هو ممكن ميوافقش!!
فريد اه والله يعني لسه هناخد راي العروسه.
زين ان شاء الله هتوافق متخوفنيش انت كمان ولو موافقتش هخلص علي سليم واحمد واخط فها عادي..
فريد ليه وأنت فاكر انك هتقدر تقرب ناحيتها وانا موجود ولا ايه!!
زين هخلص عليك انت كمان.
فريد وريني شطارتك.
زين فريد يا حبيبي انا شايف أننا ناخد الأمور بكل سلام بعيدا عن العن ف عشان صدقني انت مش متخيل أنا ممكن اوصل لحد فين في حبي ليها.
فريد امم وايه كمان.
زين بضحك انت عاوز تسيب أعصابي ليه انا عارف ان انت موافق و سليم كمان واحمد و لو علي العروسه ف أنا هعرف اقنعها ملكوش انتوا دعوه.
فريد يا حبيبي انت اصلا مش هيبقي ليك دعوه بيها الا بعد كتب الكتاب..
زين بغمزه نوصل بس للمرحله دي وانا مش هخليكم تشوفوها تاني.
فريد لا بقي دا أنا شكلي هعيد تفكير في الموضوع..
زين بضحك لا لا خلاص والله انا اسف..
فريد بضحك ايوا كدا قوم يلا خلينا نروح نفطر..
زين اه ياريت علشان جاي من غير فطار.
فريد بسخريه تعالا يا عريس الندامه..
الكل أجتمع علي سفرة الأكل وكمان سليم اللي بقي افضل و لكن عيونه بتبص بضيق علي صاحبه زين اللي مكانش حابب انه يبقي موجود قبل ما يبقي فيه شئ رسمي بينه وبين أخته ولكن علي جانب تاني علاقة زين بالعيلة كانت كويسه و هو صديق مرحب بيه دايما..
نزلت شذا وهي بتبص للي مجتمعين علي الأكل بتوتر ولكنها كانت اضعف من انها تبص لسليم..
شذا بتوتر صباح الخير..
وداد انتي وشك مخطۏف ليه كدا!
شذا مخطۏف!! لا يا ماما أنا كويسه أهوه مفيش حاجه..
سليم بخبث شكلك كأنك منمتيش طول الليل!
شذا بحرج لا انا نمت زي العادي يعني ايه