قصه رواية عارضة الازياء (كاملة جميع الفصول) بقلم ايمي احمد كامله

وبعدين انا كنت فاكرك عايشه مع امك كل السنين دي ماكنتش اعرف انتي فين اصلا

نور بضيق:عذر أقبح من ذنب للأسف..

لما انت ماتعرفش بنتك فين.. او عايشه ازاي او مع مين.. يبقى مين اللي يعرف.. برغم اني بنتكم وشرفكم زي ما قال الأستاذ اللي جانبك 

سالم:انا عايزك تجي تعيش معايا يانور.. حتي لو غلط.. عايز أقرب منك وتقربي مني.. انا ابوكي وليا حق عليكي 

نور: اقدر اشوفك وتقدر تشوفني ونزور بعض.. 

بس انا مش هخرج من البيت دا غير وانا عروسه على بيت جوزي.. زي ما اتربيت فيه وعشت في عمري

سيف: انتي صح يا نور.. وعشان كده يا عمي وياست غاليه 

انا  بطلب ايد نور للجواز

نور:ايه اللي انت بتقوله دا 

سيف:نور انا فعلا معجب بيكي قبل حتى معرف انتي مين واتمنى انك تديني فرصه نتعرف.. فترة خطوبه يعني.. ولو اتفقنا نتجوز.. ممكن

في اللحظه دي دخلت هنا: سيف حبيبي انت فعلا جبت العريس. هو وصل بالسرعه دي.. الف الف مبروووك يانور 

معتز واقف بغضب: عريس ايه اللي جابته.. بس ياهنا.. 

وانت طلبك مرفوض 

نور مش هتجوز دلوقتي.

ولما تتجوز اكيد مش انت..

 او حتى حد من عيلتك.. 

وانت يا سالم اخرك معايا..

لو حابب تشوف نور.. ابقى تعال هنا شوفها في بيتي.. وكلام خلص

سيف بهدوء:انت متعصب كده ليه يا بشمهندس.. هدى حبيبك يا انسه هنا.. مش هنا بردو

هنا بابتسامه بلهاء:ايوه.. انا هنا المهدي.. عارضة أزياء.. اهلا.. ومبروك يا عريس مقدما 

سيف ابتسم:اهلا..

  نور انت لسه قايله انك كبيره كفايه

 عشان تاخدي قرارك وتفكري

.. هستنا منك مكلمه تقوليلي رائيك ايه 

واتمني تديني فرصه فعلا نتعرف على بعض. هستناك يا عمي تحت.. سلام 

نزل سيف وسالم بص ل نور:نور سيف انسان محترم فكري كويس 

معتز:سالم الحق ابن اخوك عشان اتاخرت عليه 

غاليه:عيب يا معتز.. حقك عليا يا سالم 

سالم:ماحصلش حاجه. استأذن انا 

وهكلمك يا نور 

خرج سالم من الشقه 

ومعتز بص ل نور:انتي كنتي عارفه انه هيجي النهارده 

نور:انا عايزه انام 

قامت نور من مكانها وعدت من جانب معتز.

مسك معتز دراعها بقوه

واتكلم  بغضب:

استني هنا.. انا عايز افهم.. ايه اللي جاب سالم دا هنا.. والزفت اللي معا.. 

وليه مارفضتيش اللي قاله..

فضلتي ساكته.. ايه بتفكري في العريس

نور فكت ايد معتز من على درعها وردت بحده:

معرفش يا معتز.. ومش عايزه اتكلم دلوقتي.. بعد إذنك 

خلصت نور كلامها ودخلت اوضتها وقفلت الباب ورها

وهنا بصت ل معتز:انت ليه رافض الراجل دا انا عايزه افهم.. ماهي كده كده هتتجوز.. ليه رافض يا معتز.. خليها تتجوز.. ونفوق بقى انا وانت ونتجوز

غاليه:اهدي يا هنا..

معتز.. نور مش طفله عشان تزعقلها كل شويه كده.. وحقها انها تفكر.. ولو وافقت على سيف او رفضته.. دي ميزعلكش في حاجه 

معتز بغضب:ميزعلنيش صح..

خلاص خليها تروح تتجوزه. وتحمل منه وبعدها يسبها زي ما عمه عمل.. وجي بكل بجاحه يقولك بنتي وحقي فيها.. افتكر ان لي بنت بعد عشرين سنه 

هنا:ايوه بنته يا معتز.. وكفايه عليك انت استحملتها كتير..مش ناقص غير انك تجوزها وتصرف على جوزها كمان..

ابوها أولى بيها يا معتز..

وكفايه ديون الشركه.. وانت رايح تشترك في عرض الازياء ومسابقه 

هتوقع شركتك الأرض عشانها..

كفايه يا معتز 

و يانور تتجوز سيف دا.. ونخلص