قصة فلاحة فالجامعة الأمريكية قصة مؤ@ثرة ستعجبكم
- ممكن نتقابل علشان الكلام فى الشات مش هعرف أقولك كل إللى أنا عايزه !
- أفندم ؟!.. ليه يعنى الكيبورد عامل لحضرتك بلوك من الحروف ولا إيه ؟!
- هههههههههه لأ مش كده.. بس فيه كلام مش هينفع يتقال فى الشات والله .
- بعتذر لحضرتك الطلب إللى حضرتك عايزه مرفوض.
- طب ليه بس والله دى هى نص ساعه بكتيره.
- طب يبقى حد يجيب سيرتك ب أى كلمه.
- الدنيا مش بالعافيه يا بشمهندس أظن مش هتروح تمسك لسان الناس وهى بتتكلم ولا هتدخل تعدل نواياهم.
- صدقينى هنروح نقعد فى أى مكان عام وماحدش هيلحق يشوفنا أصلا لأنى مش هطول عليكى والله هقولك الكلمتين وأمشى علطول إن شاء الله.
- مش عارفه ليه كان فيه احساس جوايا مصدقه وبيقولى روحى وفيه إحساس تانى بيقولى لأ ما تروحيش.. خدت نفس طويل وهديت نفسى وبعد كده رديت عليه.
- طب تمام نتقابل إن شاء الله فى كافيه ******* كمان نص ساعه إن شاء الله.
- تمام هكون عندك فى المعاد إن شاء الله.
- عملت ريأكت OK ع الماسدج وما رديتش.. وكنت محتاره وعماله أفكر يا ترى إيه الموضوع إللى مش هينفع يتكلم فيه فى الشات ولازمله مقابله مخصوص ده.. يارب يكون الموضوع يستاهل المشوار علشان لو طلعت حاجه تافهه أنا ممكن أضر-به فيها والله.
- سلام عليكم.
- وعليكم السلام ورحمة الله وبركاتة.
- هاه خير يا بشمهندس إيه الموضوع.
- جايه محم.وقه قوى كده ليه.. تشربى إيه الأول ؟
- أنا مش جايه أشرب ولا آكل.. حضرتك قولت انك عايزنى فى موضوع ما ينفعش فيه الكلام فى الشات إيه هو الموضوع ؟!
- ما أنا هتكلم والله أهوه بس تشربى إيه الأول .
