انا بحب واحد متجوز، عارفه ان دى مش بدايه كويسه أبدآ لكلامى
قولتها وانا ببو"س راسه ودخلت بقي عشان انام وانا اسعد انسانه في الدنيا قضينا أسبوع كأنه في الاحلام حب و*دلع ولعب وهزار وكل حاجه حلوة تتخيلوها تمااام انا كدا حققت كل اللي كان نفسي فيه ولو الدنيا ولعت بعد كده مش هيهمني كفايه اني عيشت معاه اجمل ايام عمري
زى كل يوم، بيقضى معايا النهار كله وبيروح عشان نهى مراته متحسش بحاجه، بس انا بقى النهارده هخليها تحس...
سيبتله شعرة من شعرى، والروج بتاعى مطبوع على ر.قبته، عارفه انها حركات قديمه، بس لحسن الحظ ان مفعولها كويس جدآ
كنت عارفه ان الدنيا هتخرب لما مراته تاخد بالها ويمكن يبطل يجيلى بعد شغله، بس احنا لسه فى الأول برضو
بعد مرور 4 ساعات تقريبآ لاقيته بيكلمنى، ودى اول مرة يتصل بيا وهو معاها فى البيت، كان صوته واطى جدآ ومرتبك جدآ جدآ
-انتى كنتى قاصده تبوسينى بالروج التقيل ده فى رقبتى؟
- يعنى ايه كنت قاصده ابوسك مش فاهمه!!
- لا انتى فاهمه، انا بيتى كان هيتخرب النهارده بسبب الحركه دى يا داليا، اللى انتى عملتيه ده مش هيعدى بالساهل
خلص كلامه وقفل فى وشي.
انا واثقه انه حتى لو مشكش انى قاصده برضو كان هيتخا.نق معايا ويقول كلمتين زى دول، لإنه زى ماقولتلكم مستحيل هيجيلى الايام دى أبدآ، عشان يقدر يثبتلها حسن نيته وانه ميعرفش حد عليها، بس عندى فضول بصراحه هيبرر الروج بإيه، اصل زيه زى كل الرجاله الخاينه، شاطرين فالكدب اوى
وزى ماتوقعت، مجاليش بقاله أسبوع، والله اعلم هيستمر لحد امتى
طبعآ من وقت مارجعنا وهو مانعنى اتصل بيه او ابعتله اى رسايل على اى حساب ليه، عشان اللى حصل ميتكررش تانى، بس اهماله ليا خلانى ابعتله صورة لينا احنا الاتنين، وهو وحظه بقى...
بمجرد مالصورة وصلت، لاقيته بيتصل
-مانت بتعرف تتصل بيا اهو!!
- انت اتجننتى مش كده؟، انا مش محذرك قبل كده من اى رسايل تبعتيهالى؟، هو انتى بتخططى لإيه؟؟
- هكون بخطط لإيه يعنى، انا لاقيتك مطنشنى، قولت افكرك بأيامنا الحلوة، واقولك كفايه تقل بقى، وحشتنى.
- بس انتى عارفه ان رساله زى دى كان ممكن تتشاف وتودينا فى داهيه
- توديك لوحدك، انا مبعملش حاجه غلط اخا.ف منها المرة دى، انا متجوزه على سنة الله ورسوله
