قصة نار غيرتي وانكسار قلبي (كاملة) بكل اجزائها

وفي قمه الحزن. مش مصدق أن خلاص هيخسر لانا للأبد. هو حاسس أنها بقت كل دنيتك. هو كاره الشقة من غيرها.

فجأه باب الشقة خبط. آدم فرح اوى وجرى علشان يفتح الباب. حس أنها لانا هي اللي ع الباب
آدم فتح الباب 
آدم بصدمة:جودي
جودي دخلت بسرعه وقفلت الباب عليهم وحضنته….
آدم باستغراب جودي بتعملي ايه هنا.
جودي:وحشتني اوى. انا ما صدقت ألبومه التانيه مشيت

آدم:جودي احترمي نفسك
قاطعته جودي ببوسه قطعت نفسه. وبعد عنها بسرعه علشان ياخد نفسه
آدم بصدمة:جودي ايه اللي عملتيه دا
جودي:ما هو خلاص يا حبيبي انت هتطلقها وهنتجوز وهتبقي ليا وهبقي ليك
آدم باستغراب:بس انا مش هطلقها.
جودي:ليه بقا أن شالله
آدم:علشان هي مراتي وهتفضل مراتي وبقت كل دنيتي.
جودي بعصبية آدم انت بتقول ايه

آدم بصرامة:بقولك أن مش هطلقها وانا خلاص لقيت نصيبي من الدنيا ومبقتش عاوز غيرها
جودي بدموع:انت بعت حبنا بالرخيص يا آدم
آدم:لا يا جودي. بس الحب الحلال والحاجة الحلال اللي بتبقى قدام الناس وع سنه الله ورسوله بيبقى طعمها حلو اوي يا جودي وعقبالك
آدم سابها وخرج من الشقة وقفل الباب بعد هي ما طلعت وراح ل لانا بيتها علشان يرجعها ل بيته ويرجعها ل حضنه من جديد.
آدم كان متحمس ومبسوط اوى انه أخيرا لقي الحب الحقيقي. لانا روح قلبي…..

آدم وصل بيت لانا وقبل ما يخبط الباب. غمض عنيه وقال بصوت هامس ل…. ا… ن.. ا(لانا).
فجأه لانا وهي قاعده ف اوضتها جسمها رتعش. وحست ومتاكده أنها سمعت صوت آدم بينطق اسمها.
فجأه آدم خبط ع الباب. وف نفس اللحظة

لانا جسمها انتفض لما سمعت الباب بيخبط.
لانا جريت ع باب اوضتها تتصنت تشوف مين برا.
أم لانا فتحت الباب
نورا:بفرحه:آدم اتفضل ادخل يابني ليك وحشه والله.

نورا:اتفضل اقعد يا غالي يا ابن الغاليين ع ما اناديلك لانا.
لانا:قلبها وقع ف رجليها. وفرحت بس رجعت زعلت تاني.
لانا حبت تستفزه. ف قالت تلبس بيجامه ضيقه مoت من كل حته.

وخصوصا هي عارفه أن ابن عمتها كريم ف الاوضه التانيه

بيلعب مع آخوها الصغير عمرو.

آدم قاعد ف الصالة متوتر. وهيموت ويشوف لانا وياخدها ف حضنه.
لانا طلعتله وكانت مكسوفه شوية بس قلبها كان فرحان أوي بوجوده.
آدم بفرحه:لانا مراتي حبيبتي وحشاني
لانا وعاملة نفسها زعلانه:بس انت مش وحشتني
آدم:أهون عليكي تقسي عليا كده.
لانا بدلع:ههههه
آدم:بجدية:ايه اللي انتي لبساه دا

لانا بعناد وانت مالك
آدم بصرامة:انتي نسيتي ولا ايه انا جوزك
لانا بعدم اهتمام:ماشي
آدم بحنيه:لانا عشان خاطري ارجعي البيت  انا مش قادر أعيش بعيد عنك
فجأه كريم ابن عمتها طلع من الاوضه هو واخوها عمرو وسلموا ع آدم وطلعوا برا.