رواية ابن الجيران (كامله جميع الفصول) بقلم چومانة
رواية ابن الجيران (كامله جميع الفصول) بقلم چومانة
البارت الأول
"ابن الجيران"
من حبى فيك يا جارى يا جارى من زماان
بخبى الشوق وادرى ليعرفو الجيران
وحياة حبك ما شبكنا
غير شباكو وشبكنا
وعيون تنده وتشاور
وتزود شوقنا ببسمه
وعيون تفهم وتحاور
وتسلم ويااا النسمه
اخبى الشوق وادرى ادرى ليعرفو الجيرااان
كنت بسقى الزرع وانا بغنى وسرحانه لحد ما قاطعنى صوته:
ياااه دا الواحد بقالو كتير مقمش على الصوت الحلو ده بس سيبك انتى اي الى مخلى مزاجك رايق كدا
قولت وانا ببصله بطرف عينى: وهو لازم يكون فى حاجه او حد يخلى مزاجى رايق يعنى
قال وهو بيربع ايده وبيسند على سور البلكونه: لاء بس انتى بقالك اسبوع مبتطلعيش ومحدش بيشوفك وبتيجى من الشغل تفضلى فى الاوضه ومبتطلعيش نسهر زى الاول
قولتله بتنهيده: عادى يعنى كل الحكايه انى باجى تعبانه مش اكتر يا يوسف
يوسف: طب ورسايلى واتصلاتى مبتروديش عليها لى
قولتله بتوتر: بقالى كتيير مش بفتح الفون اوى وباجى من الشغل انام عالطول فمبشوفش الرسايل وكمان عملاه صامت فمبسمعوش
بصلى وهو مش مقتنع بكلامى وقالى
يوسف: تمام بس اتمنى تيجى تحكيلى اي الى مضايقك ومخليكى كدا
اتكلمت بتوتر: لاء مفيش حاجه مضيقانى عادى يعنى انا قولتلك اسبابى
المهم اعملك شاى بى النعناع معايا
يوسف بغموض: لاء مش هلحق عشان الشغل بس ممكن بليل نعد نشربه مع بعض اي رايك
قولتله بإستغراب: شغل اي انتى معاد شغلك ليسه قدامى ساعه
يوسف: ايوا بس انا هقابل هبه قبل ما اروح الشغل
