رواية ابن الجيران (كامله جميع الفصول) بقلم چومانة

عينى دمعت وقولتله: اه ماشى يسطا ابقى سلميلى عليها انا هدخل انا بقا عشان متتأخرش مستنتش يرود ودخلت بسرعه قبل ميلاحظ دموعى الى نزلت على خدى قعدت على السرير وانا بفتكر كل حاجه من اول يوم شوفت فيه يوسف 

بس الاول اعرفكو عليا (انا اسيل عندى 23سنه متخرجه من كليه تربيه وبشتغل فى حضانه لانى بحب الأطفال جدا محبتش ان اشتغل فى مدرسه ملامحى عاديه جدا يمكن اكتر حاجه بحبها فيا هيا عيونى البنيه عشان يوسف بيحبها منكرش ان يوسف هو اللى محببنى فى شكلى شعرى واصل لى نص ضهرى بس خفياه تحت الطرحه اما بقا علاقتى انا ويوسف صحاب وجيران بس من جهته هو بس من جهتى فا انا بحبه مش عارفه امتى وازاى بس يمكن عشان كان معايا من صغرى مكنتش مصاحبه حد غيره كنا دايما نروح المدرسه مع بعض ونيجى برضو مع بعض كنت انا فى اولى ابتدائى وهو فى تانيه اعدادى دايما كنت اسمع عن الحب من طرف واحد واقول اكيد الشخص اللى حب لما ميلاقيش حب من الطرف التانى اكيد هيتخطاه مع مرور الوقت والوقت عدى وانا مش قادره اتخطى حب يوسف او ابعد عنه) 

سرحت بتفكيرى لأول مره قبلت فيها يوسف

Flash bask

صوت عربيات وناس طالعه على السلم وتخبيط جامد فى الشقه اللى جمبنا 

اسيل: بابا بابا فى اي ومين بيخبط جمبنا انا خايفه وقربت من ودانه وانا بتكلم بصوت واطى ليكون حرامى

بابا ضحك جامد وقالى: لاء يا لمضه دا جيرنا الجداد هيسكونو جبنا 

اسيل بفرحه طفوليه: بجد هيييييه معاهم اطفال زي صح عشان العب معاهم بصت للأرض بحزن عشان مفيش حد بيرضى يلعب معايا 

بابا اسيل (محمد): خدها فى ح@ضنه لى يحبيبتى مش بيرضو يلعبو معاكى وبعدين هو حد يطول يلعب معاكى يحبيبتى 

اسيل وعينها بتدمع: بيفضلو يتريقو على سنانى عشان مش موجوده (سنان اسيل كان واقعين3 من فوق) 

محمد بحنيه: ولا يهمك يا حبيبه ابوكى وبعدين السنان دى بكره تطلع وبعدين مش انتى اللى بتفضلى تاكلى حلويات كتيره وانا وماما قولنالك متكليش كتير عشان سنانك متقعش 

اسيل بتفكير: ماشى معتش هاكل كتير عشان تطلع واغيظهم واعدهم كمان 

محمد بضحك: ماشى يالمضه محمد شالها وقالها تعالى يلا نشوف جيرانا الجداد 

اسيل بفرحه: يلا يلا