رواية فرحة قلب صعيدي كاملة بقلم إسراء ابراهيم

وتحدثت باستغراب 
وه كمان اني اللي غلطانة تيچي كيف دي بجي ثم تعالي اهنه انتي عرفتي كيف
ابتسمت فرحة وقالت بهدوء 
حمزة اتحدت معايا وجالي انك مغلباه الواد عاشجك يا بت وانتي مطلعة روحه من بدري وهو صابر ومستحمل چاية كمان تكملي عليه وتطلعيه خاېن يا مفترية انتي
توترت يسرا واجابت بتردد 
ماهو بصراحة يعني يا فرحة وصمتت فاكملت فرحة الحديث وهي ترتب علي يد اختها 

يا خيتي انا حمزة بالنسبالي واد عمي وبس وانا جولتلك جبل سابج اني مش عاشجاه واني عرفت العشج لما عرفت واكملت بحزن فهد هو الوحيد اللي جلبي دق له وحسيت معاه اللي محستوش مع اي حد واصل بس يا خسارة وانتبهت لحديثها ونظرت لأختها واكملت بجدية انا خابرة انك كنتي خاېفة تجربي من حمزة عشان انا مزعلش او احزن بس صدجيني يا خيتي بالعكس ده هفرح جوي لما اعرف انك عاشجة حمزة وانك سعيدة معاه بكفاية بجي بعد وجربي منه وعرفيه انك عاشجاه وانك رايدة تكملي حياتك معاه
ابتسمت يسرا بحب وعانقت فرحة بشدة وفرحة ايضا بادلتها العناق وابتعدت يسرا وكادت ان تتحدث علي ما حدث مع سلمي وما سمعته هي حتي قاطعهم دخول فهد الذي فور ان رأته فرحة حتي تجهم وجهها ونظرت بعيدا عنه بحزن وڠضب لاحظه فهد فتحدث بهدوء
ممكن يا يسرا اتحدت مع فرحة شوية
ابتسمت يسرا وتحدثت بود 
طبعا يا فهد اتفضل وتركتهم بعدما نظرت لاختها وكأنها تحسها علي ان تسمع ما سيقوله لها وغادرت الغرفة فقامت فرحة من الارض ووقفت امامه وهي تقول بحزن 
اتفضل يا واد عمي سامعاك اتحدت جول ليه جتلتني اكده ليه بعد ما عشجتك ووثقت فيك تخوني ووتچوز عليا ليييه وهبطت دمعة من عيونها پقهر وهي تكمل ده انا كنت خلاص حسيت انك رچعتلي بعد ما ضعت مني
نظر لها فهد بندم ودموع متحجرة وتحدث باندفاع 
انتي السبب يا فرحة ايوة انتي يتبع 
بعتذر ان البارت بينزل متأخر بس ڠصب عني رأيكم يهمني جدااااااا
تفاعل جامد بقي عشان البارت الاخييير

 

رواية فرحة قلب صعيدي البارت العشرون والاخييييير بقلم إسراء إبراهيم حصريه وجديده 
نظرت له فرحة بزهول بعدما قال فهد ما قاله بسرعة وانفعال مما جعلها تفقد النطق لثواني فقط تنظر له پصدمة وعقلها يردد جملته انتي السبب يا فرحة فتحدثت بصعوبة وسألته باستنكار
اني السبب كيف يعني اني اللي جولتلك تتچوز عليا يا فهد واكملت پغضب ولا تكونش كنت عاشجها جبلي ومتچوزها برضه جبلي يا فهد

انتي ازاي مش جادرة تفهمي الحجيجة يا فرحة انا اتچوزتها عشان اكسرك كيف ما كسرتيني
قالها بصوت جهوري مما جعلها تنتفض من قوة صوته وجعلها تنظر له پصدمة اكبر وقالت بضعف وهيا تجلس ودموعها تهبط بغزارة 
تتت تكسرني بقلم اسراء ابراهيم
تنهد فهد واردف بحزن وهو يجلس قبالها
كنت عاشجك من وانتي لسة بنتة بضفاير كنت بشوفك جدام عيني وجلبي كان كل ما اشوفك يدج كيف الطبلة كنت بدعي في كل صلاه انك تكوني من نصيبي وجسمتيوضحك بخفوت واكمل و كنت مسميكي فرحة جلبي من كتر منا متعلج بيكي وكل ما اشوفك ابتسم واحس اني اسعد راچل في الدنيا بس كنت كل ما احاول اجربلك كنتي پتخافي وتبعدي عني اكتر وفاتت سنين وكبرت فرحة جلبي وبجيت احس انك بتبعدي عني اكتر واجول لنفسي انساها يا فهد دي بنتة صغيرة وتستاهل حد من سنها ومرضيتش اطلبك من ابوي لاسمع جملة انك كبير عليها ومينفعش يا فهد فكنت ساكت وعايش علي امل انك تكوني ليا في يوم من الايام
كانت تنظر له فرحة بحزن ممزوج پصدمة ايعقل انه احبها لتلك الدرجة وكيف كانت عمياء لدرجة انها لم تلاحظ هذا الامر ونظرت له لتسمع باقي حديثه بصمت تام
وفي يوم بالنسبالي كان اسعد يوم في حياتي راچع من الشغل ولجيت ابوي بيجولي اني خطبتلك فرحة 
يااااه كنت حاسس ان جلبي هيخرچ من مكانه من كتر الفرحة اخيرا حب عمري وفرحة جلبي هتبجي معايا وعلي اسمي حمدت ربنا ووعدت نفسي اني اول حاچة هجولهالك اني عاشجك من زمان يا فرحة وكان جوايا حچات كتير كنت مستني تبجي مرتي واجولك عليها وفعلا اتكتب كتابنا واتفاجأت ان احلامي كلها اتهدت اللي عشجتها وجلبي اختارها بتجولي انها مش رايداني لا وعاشجة حد تاني تخيلي بعد الحب ده كله اللي انتي عاشجاه بجولك انه مرايدكيش ورايد حد تاني تنهد پغضب واكمل 
رايدك تحطي نفسك مكاني وانا كل ما اشوفك تجوليلي انك مش رايداني واني معنديش كرامة عشان موافج علي چوازنا كل مرة كنتي بتشوفي وشي يا فرحة كنتي بتسمي بدني بحديتك كسرتيني وانتي بتبصي في عيني وبتجوليلي انا مش رايداك ولا عاشجاك وخلي عندك كرامة وطلجني سعتها حسيت بكسرة جلبي وانا واجف جصادك وحلفت لاكسرك كيف ما كسرتيني
اغمضت فرحة عيناها بۏجع وهي تتذكر ذلك اليوم بعدما فعلا عندما صعد لها فهد ليخبرها بمعاد الزفاف 
فلاش باااك
عشان خاطري يا فهد خلينا نفترج بالمعروف واني محجوجالك يا واد عمي طلجني بجي اني مش عاشجاك يا فهد افهم بجي
بقلم اسراء ابراهيم
هتعشجيني يا فرحة وڠصب عنك وهتشوفي هخليكي تتمني لو بس اتحدت معاكي واعاملك زين هخلي عشجي يدخل جلبك وكيانك وهخليكي تشوفيني حتي في احلامك هتيچي سعتها تترچيني عشان اسامحك علي حديتك ده واننا نكمل بس سعتها صدجيني يا بت عمي انا اللي ههملك وهكسر جلبك كيف ما عملتي فيا دلوك وفجأة ابتعد عنها وتركها وغادر
عودة من الفلاش باااك 
تنفست فرحة بندم علي ما قالته حينها