رواية للكاتبة إسراء عبد اللطيف كاملة

نهله صوت طرقات علي باب غرفتها و صوت والدتها تقول
نهله أفتحي يا حبيبتي أنت بټعيطي ليه أفتحي يا نهله
نظرت نهله ناحية الباب قائله بصړاخ و حسره
مش عايزه أشوف حد فيكوا خاااالص أبعدوا عني
ثم وقفت و هي تستند علي المقعد و من ثم علي الحائط حتي لا تفقد توازنها و تسقط أرضا و توجهت ناحية المرحاض
بالخارج
ظلت صفاء تطرق علي باب الغرفه و لكن لم تسمع سوء صياح نهله و بكائها و فجاءه هدأ الصوت فعقدت حاجبيها متسائله
مالها البنت دي !
أما أروح أقول ل عاصم
ظلت نور واقفه مكانها حتي جاءت مها متسائله
نور مين اللي كنت واقفه معاه ده يا نور
نظرت نور إلي مها ب هدوء قائله
ده جاسر ابن عم أدهم
أندهشت مها كثيرا بعد ما عرفت هويته و تسائلت ب بتعجب
طيب و عايز منك أيه ده التاني !
أنزلت نور رأسها في حزن و فركت كلتا يديها معا قائله بتوتر
ج جاسر بي بيحبني !
صدمت مها مما عرفته قائله ب عدم أستوعاب
أزاي طيب و ابن عمه بيحبك أزاي يسمح لنفسه إنه يحبك !
أتجهت نور و جلست علي مقعد خشبي و أنسابت العبرات من عيناها قائله بحزن
مش عا عارفه أنا موضوعي علي طول بيتعقد كده أعم أعمل أيه !
نظرت مها ناحية صديقتها بشفقه و أتجهت لتجلس بجانبها و وضعت كفها علي ظهر نور قائله ب حزن
معلش يا نور كل حاجه هتبقي كويسه
ب القاهره
في فيلا الشناوي
خرج أدهم من القصر و ركب سيارته و أنطلق بها
و
ظل يتجول بها و هو شارد الفكر حتي وصل إلي البار الذي يتردد عليه دائما و ركن سيارته و توجه إلي الداخل
ب مجرد أن لمح النادل أدهم حتي توجه ناحيته قائلا ب أبتسامه
شرفت يا أدهم باشا أتفضل ترابيزة حضرتك جاهزه
لم يهتم أدهم ب حديث النادل و توجه ناحية البار و جلس عليه قائلا ب جمود
هاتلي كاس يابني
حرك ذلك النادي الذي يقف علي البار رأسه ب الموافقه قائلا ب أبتسامه خفيفه
تحت أمر حضرتك
بعد لحظات و ضع النادل كأسا أمام أدهم
قبض أدهم علي الكأس ب قوه و رفعه إلي فمه و أرتشفه دفعة واحده ثم وضعه أمامه قائلا
هاتلي واحد تاني
و أغمض عينيه و أخذ نفسا طويلا و زفره علي مهل متحدث داخل قرارة نفسه ب
لازم أشرب علشان ما أحسش باللي هعمله ب الليل !
ظلت نهله تقف داخل حوض الأستحمام ب المرحاض و المياه تتساقط علي جسدها و هي مغمضة العينين و العبرات تنهمر على وجنتها و من ثم مدت يدها و أغلقت الصنبور و ب يد مرتعشه تناولت المنشفه و لفتها حول جسدها و خرجت من المرحاض
كانت تتوجه ناحية الفراش و لكن أوقفها أنعكاس صورتها ب تلك المرآه الكبيره الموجوده ب غرفتها و مدت يدها و أمسكت ب الفرشاه و ظلت تمشط شعرها ب حزن و هي فاقده الشعور و السيطره علي أعصابها
توقفت فجاءه و هي
تطلع إلي هيئتها في المرآه و العبرات تملأ وجهها قائله ب حزن
أنا لا يمكن أدفع تمن حاجه عملها بابا و أخويا و أدهم
حدقت فتره طويله ب المرآه قبل أن تتابع و هي تدعي القوه و الثبات
محدش لازم يعرف ب اللي حصل نهائي
و رفعت يدها ب الفرشاه و ألقتها ب عڼف ناحية المرآه ليسقط حطامها أرضا مصدرا صوتا و هي تصيح ب
أنا قويه و محدش هيعرف يكسرني !
ب الفيوم
في فيلا الحاج علي
جلست زينا علي طاولة الطعام ب مفردها و ظلت تطلع إلي الطعام أمامها و هي حزينه و لم تتناول منه شيئا ثم أبتسمت عندما تذكرت عندما كانت تجلس برفقة أبيها و أختها المجنونه نور و يتناولوا الطعام سويا و كذلك أول مره تصنع فيها نور الطعام و كيف سخروا منها ظلت تتذكر كل هذا و هي تبتسم ب هدوء رغم الحزن البادي جليا علي تقاسيم وجهها و العبرات التي تملأ وجنتيها
وقفت و لم تتناول شئ و أتجهت إلي غرفة نور لتجلس بها كعادتها منذ أن تركتها نور
أطلقت زينا سراح عبراتها قائله ب حزن
يا ترا أنت فين يا نور أنا أسفه يا حبيبتي بس أرجعي
ثم وقفت من علي الفراش قائله ب أصرار من بين عبراتها
لازم أروح لمعتز علشان يساعدني إني أرجعك تاني !
في شقة عمر
جلس عمر علي طاولة الطعام قبالة والدته ب حزن و لم ينطق ب كلمة واحده
أبتسمت عفاف و هي تتأمل حالة عمر و سعلت ب هدوء قبل أن تقول
أيه يا عمر يعني مش بتاكل !
رفع عمر وجهه ناحية أمه و أمسك ملعقة الطعام قائلا ب هدوء
ابدا ب أكل أ هو
اممم طيب ب الهنا و الشفا بس ما قولتليش هي أخبارها أيه !
عقد عمر حاجبيه متسائلا
مين هي !
أبتسمت عفاف قائله و هي تتابع تناول طعامه
اللي بتفكر فيها و شاغله عقلك !
ترك عمر الملعقه جانبا و ضم قبضتي يده و وضعهم أسفل ذقنه بعد أن أستند ب مرفقيه علي طاولة الطعام قائلا ب أبتسامه
دايما فهماني إنت الواحد ما يعرفش يخبي عنك حاجه أبدا
ضحكت عفاف قائله
يا واد دا أنا عارفاك أكتر من نفسك كفايه إني أبص في عينيك أفهمك قولي بقي أيه اللي حصل معاك و معاها يخليك زعلان كده !
أطلق عمر تنهيده طويله قبل أن يجيب ب
مها مش عايزه تسامحني علي الكلام اللي قولته ليها أنا حبيتها أوي مش عارف أزاي بس حبيتها
و نور !
و نور يعني نسيت نور يا عمر !
حرك عمر رأسه ب حزن قائلا
أنا أكتشفت إني مش بحب نور أصلا يمكن كنت محتاج أفكر في مها شويه و أديها فرصه زي ما بيقولوا بس دلوقت أنا اللي محتاج الفرصه دي منها مش هي هو ممكن ده يحصل إن إني مبقاش بحب حد و بمجرد إنه يعترف و ابدأ أنا أفكر فيه لدرجة إني أحبه أوي كده
ثم نظر إليها ب عمق و العبرات تتجمع بعينيه ثم صمت لعدة دقائق قبل أن يتابع ب
أنا مش عارف أفكر غير في مها أنا بح بحبها يا أمي
وقفت عفاف من عل مقعدها و أتجهت ناحية عمر و أحتضنته بكلتا ذراعيه قائله ب حنو حقيقي
ربنا يسعد أيامك يابني و ينولك اللي في بالك
بعد أن تناولت كلا من نور و مها العشاء مع عايده دخلن إلي الغرفه معا
تنهدت مها قائله ب سعاده
أنا فرحانه أوي يا نور دي تعتبر أول رحله نروحها سوا
أبتسمت نور و وقفت قائله ب هدوء
أنا بفكر بعد الرحله أنزل القاهره و أحاول أوصل لأدهم
عقدت مها حاجبيها قائله ب ضيق
أزاي ده بقي يا نور هتقللي كرامتك للدرجه دي هو يعرف مكانك و لو عايزك هييجي !
جلست نور مره
أخري قبالة مها و أمسكت كفها و حركت رأسها ب النفي قائله
مفيش كرامه في الحب مش ده كلامك و لا أنا غلطانه !
لوت مها فمها في ضيق قبل أن تتحدث ب
حبيبتي أنا فعلا قولت كده بس عمري ما كنت هروح أعترف ل عمر عن حبي بجد من ضيقي قولت كده
هزت نور كتفيها بلا مبالاة قائله
مش هتفرق أنا عارفه إن أدهم بيحبني
هو قالي كده و كمان دلوقت عرفت السبب اللي خلاه بعد عني
و تجمعت العبرات ب عينيها و وقفت و هي تشير إلي نفسها قائله ب حزن
مها أنا مش بحب أدهم لأ أنا بعشقه هو النفس اللي بتنفسه و حتي لو كان وحش زي ما زينا قالت أنا مسامحاه و مستعده ابدأ معاه من جديد ده ده أول واحد في حياتي و مش هسمح يكون في حد غيره أدهم غير أي حد عرفته أو هعرفه عاوز يبين قدامك إنه وحش و قاسې و قوي و هو من جواه مفيش أطيب و لا أضعف منه أنا أنا بحبه أوي يا مها أوووي
و أنفجرت باكيه بعد
أتمام جملتها
أشفقت مها كثيرا علي حالة نور هذه و وقفت و أحتضنتها بشده و أعادتها لتجلس مره أخري علي الفراش قائله ب حب
طيب أهدي يا حبيبتي و أقعدي
رفعت نور كفيها و جففت عبراها و نظرت إلي مها ب أعين منتفخه قائله
تفتكري هيكون ليا يا مها !
أبتسمت مها قائله ب هدوء
إن شاء الله يا حبيبتي اللي عايزه ربنا هيكون
ثم تابعت ب مزاح حتي تتخلص من هذا الجو الذي أصبح مشحونا ب الحزن
اللي يشوفك دلوقت ما يقولش إنك نور اللي كنت رافضه حاجه اسمها حب ټقتحم حياتك
ضحك نور من بين حزنها معلقه ب
ضحكتيني و الله يا مها ماكنتش أعرف إن الحب بيكون ڠصب عننا !
ب القاهره
في فيلا الشناوي
جلس هذه المره عاصم و صفاء و جاسر فقط علي طاولة الطعام
وزع جاسر أنظاره علي المقاعد الفارغه و عقد حاجبيه و هو ينظر إلي والده متسائلا
أمال فين الباقي !
ثم تابع ب مزاح
هو أنا غبت كتير و لا أيه هههههه
ضحك جاسر و لكنه صمت عندما نظر إليه والده ب سخط قائلا ب برود
أدهم
عنده شغل و نهله تعبانه شويه و في أوضتها و عمك مصطفي النهارده دخلته مصحه علشان يبدأو علاج معاه
هز جاسر رأسه ب الموافقه و نظر إلي الطبق الموضوع أمامه
حاولت صفاء تلطيف هذا الجو ف وضعت يدها علي كف جاسر قائله ب أبتسامه
عملت أيه يا حبيبي في مشوارك
أبتسم جاسر ب هدوء و اومأ ب رأسه قائلا
خير إن شاء الله
رفع عاصم أحد حاجبيه قائلا ب جديه
جاسر مش عايز موضوعك ده يطول أنا سايبك تتسلي مع أي بنت براحتك يومين لكن لم نيجي لجواز و جد مفيش غير هدير بنت شريكنا صفوت مجاهد سامع
أغمض جاسر عينيه محاولا السيطره علي أعصابه و زفر في ضيق ثم وقف قائلا قبل أن يتجه إلي أعلي
أنا كلت عن أذنكوا
لم ينتظر جاسر ردا من أي منهما و أتجه سريعا إلي أعلي
نظرت صفاء إلي عاصم ب ڠضب قائله بضيق
هو أنت لازم تعكنن علي الواد كده علي طول سيبه براحته يعيش حياته و يختار
اللي عايزه هو !
ترك عاصم الملعقه من يده ب هدوء و ضم قبضتي يده و وضعهم أسفل ذقنه قبل أن يتحدث ب برود يحمل الوعيد في ثناياه
أنا لم أقول حاجه لازم تتنفذ سايبه يقضي حياته براحته بس في حاجات تخصه هو و أدهم و نهله أنا بس اللي أحددها و مفيش رجوع في كلامي
ثم تابع ب نبرة ټهديد
و أنت
مالكيش دعوه باللي ما يخصكيش سامعه !
كانت نظرات عاصم وحدها كافيه أن تجعل جسد صفاء يقشعر خوفا و هزت رأسها ب الموافقه و بدون أي كلمه