رواية جبروت طاغي بقلم لوجي احمد
♥️
علي بتنهيدة وهو بيفتكر هنا: بحب بنت من تلت سنين من اول مرة شوفتها فيها اما كانت لسه فى سنة اولى ثانوي
صالح: حلوة
علي بأببتسامة: حلوة دي كلمة قليلية جدا عليها زي القمر واحلى
صالح: دا انت واقع واقع
علي: ومحدش سمى عليا يا حاج
صالح: طب ما تعترفلها
علي: بتحب واحد تاني من سنها
صالح: لو ربنا كاتبهالك مش هتكون لغيرك
علي بتنهيدة: يا رب
فى عيادة دكتورة النسا
حور: انا خايفه اوى
فارس وهو بيمسك ايدها وبيتكلم بحنية مفرطة: من ايه يا عمري
حور: خايفة تقول حاجه على ابني هي كانت طول الوقت بتقول حملك فى خطـ'ر
فارس: متقلقيش يا حور كل اللى انتي فيه دا طبيعي انا بس جبتك هنا عشان الحمل لازم يتابع مش اكتر
حور: ربنا يستر
فارس: متخافيش يحبيبتى
: مدام حور المالكي اتفضلي دور حضرتك
حور بتوتر: ما تيجي نروح
فارس بحنية مفرطة: يعمري متخافيش عشان نطمن عليكى وعلى الجنين بس
حور مسكت ايده بقوة: ماشي
الدكتورة: اهلا مدام حور اتفضلي هاا صحتك عاملة ايه
فارس: مش بطيق الأكل يا دكتورة بدأت تحس الغثيان والدوخة كتير وطول الوقت عايزة تنام
حور بصتله بحب كبير وابتسامه وهو بيتكلم مع الدكتورة أنه واخد باله من كل تفصيلة فيها برغم شغله الكتير
الدكتورة: طب اتفضلي معايا اكشف عليكي واعملك سونار عشان نطمن على الجنين
حور وهي بتمسك ايد فارس: تعالي معايا
فارس: حاضر يعمري
الدكتورة: من الواضح انك بتحبي دكتور فارس اوي
بصيت حور لفارس بخجل وبدالها هو ابتسامته اللى مليانة حب قعد على طرف سرير الكشف وهو ماسك ايدها، الدكتورة بدأت تكشف عليها
حور: ابني كويس صح
الدكتورة: ايوا انتي خايفة كدا ليه يا مدام حور جنينك صحته كويسة جدا ما شاء الله حتى حضرتك دخلتي خلاص فى التاني
حور: طب هو انا ليه مش بحس بحركته
الدكتورة: الحركة دي فى الرابع لسه حتى شوفي اهو ثابت فى مكانه
حور بصيت على شاشة السونار بفرحة هي وفارس
فارس وهو بيبص لحور: بتمنى انه يكبر بسرعة ويخرج بقى
الدكتورة ببأبتسامة وهي بتقوم: انا هكتب لحضرتك على شوية ڤيتامينات زيادة ومعلش حاولي تاكلي على اد ما تقدري وتعاليلي كمان اسبوعين باذن الله
فارس وهو بياخد الروشتة: تمام يا دكتورة شكرًا لحضرتك
الدكتورة: على ايه المهم بس تهتم بأكلها وبلاش عصبية يا مدام حور عشان غلط جدا عليكي
حور: تمام يا دكتورة
فى عربية فارس
فارس: اطمنيتي كدا
حور: ايوا الحمد لله
لا حول ولا قوة الا بالله العلي العظيم ♥️
فارس: كل التفاصيل دي بتخليني اسعد واحد في الدنيا بجد فكرة ان حتة مني بتكبر جواكي بتخليني مبسوط حتى فى اصعب اوقاتي
حور: طلع شعور جميل اوى بجد اني اشوف ابني كنت حاسة انى عايزة اعيط من فرحتي بيه
فارس وهو بيمسك ايدها وبيقـ'بلها بحب: شكرًا لانك خلتيني اب دلوقتي انا هبقى أب لاتنين ليكي ولابننا
حور بعدت ايديها بخجل: اممم
فارس بحزن: مفيش فايده برضوا تمام تيجي نتعشى برا انهاردة
حور: لا مش عايزة
فارس: بالله عليكى نفسي نطلع مع بعض شوية من غير اي خنا'ق منك
صعب عليها شكله اتكلمت بقلة حيلة: تمام
فارس بأببسامة: شكرًا يحوري
فى القسم
الشاويش: هيثم عاصم السيوفى
هيثم: ايوا أنا
الشاويش: فيه حد جايلك زيارة فى اوضة حضرة الظابط تعال معايا
هيثم: مين
يتبع.........
جنون الحب
البارت الواحد والثلاثون
هيثم: مين
الشاويش: تعال وشوف يخفيف
هيثم: ايه المعاملة دي انت مش عارف انا ابقى ابن مين فى البلد
الشاويش: متكترش كلام ويلا
خرج هيثم مع العسكري وهو بيفكر فمين هيكون جايله دلوقتي مفيش غير ابوه وصاحبه كريم اللى بيزروه وانهاردة كانوا عنده وقف قدام غرفة الظابط
الشاويش: خليك هنا هبلغ حضرة الظابط الاول
هيثم: تمام
الشاويش: المتهم هيثم السيوفى برا يا فندم
ادهم: خليه يدخل
دخل هيثم واتصدم اول اما شاف ندى قاعدة على الكرسي بثقة وهي حاطة رجل على رجل
ندى: ممكن تسبنا مع بعض شوية لو سمحت
