رواية جبروت طاغي بقلم لوجي احمد
حور: لا خلاص كملت وهي بتمثل التعب ااه بطني
فارس بخوف شديد: مالك فيه ايه
قامت من على السرير بسرعة: وضحكت عليك
فارس ببأبتسامة: والله طب خدي بقى انا هوريكي
حور بصوت عالى نسبيًا: يا ماما الحقي فارس العاقل الكبير بتاعكوا بيضـ'ربني
عزة: ايه دا فيه ايه انت بتعمل ايه فى بنتي
فارس بغمزة: اقولها كنت بعمل ايه
حور جريت عليه وحطيت ايدها على فمه: لا خلاص مش بيعمل حاجه يا ماما
عزة: ريحي جوزك يا حور واعقلي شوية انتي دلوقتي متجوزة وكلها كام شهر وهتبقي أم
حور بدموع: حاضر
فارس: خلاص يا مرات عمي فيه ايه احنا بس كنا بنهزر مع بعض ومين قالك ان حور مش مريحيني حور دي احسن زوجة والله وانا اسعد واحد وانا معاها وحقيقى تسلم تربيتك ليها
عزة بصتله وابتسمت وسابتهم وخرجت
فارس وهو بيمسح دموعها: خلاص يحبيبتى هي بس عايزة مصلحتك متزعليش
حور وهي بتحضنه: شكرًا
عزة: احم
حور بعدت بخجل وهي بتبص فى الأرض
عزة: علي وهنا برا
فارس: تمام يلا يا حور
عزة: مش هتتغدوا
فارس: وقت تاني بقى يا مرات عمي عشان معياد الدرس
طلعوا شقة فارس وحور وبدأ علي الدرس
علي: انا كدا خلصت استأذن انا بقى
فارس: لا طبعًا ودي تيجي انتوا لازم تتاخدوا معانا
علي: مفيش داعي
فارس: لا طبعًا هتتغدوا ونعقد نتفرج على فيلم كمان لو سمحت يا مستر علي البنات متوترين من قرب الامتحانات خلينا نهون عليهم شوية
علي وهو بيبص لهنا بحب: تمام
فارس: حور ممكن تساعدينى
حور: اه تمام
فارس: خدوا راحتكم البيت بيتكم
خد فارس حور ورحوا المطبخ وفضل علي وهنا قاعدين فى الصالة
علي: احم هنا انتي كويسة
هنا: اه الحمد لله ليه فيه حاجه
علي: اصلك فضلتي ساكتة طول الطريق ودا مش من عاويدك يعني
هنا: هو حضرتك تعرفني انا دي تاني مرة اركب معاك فيها
علي: انتي بتتكلمي كدا ليه بجد
هنا: دي طريقتي اللى مش عاجبه ميتكلمش معايا
كان لسه هيتكلم بس فارس قاطعه
فارس: يلا يجماعة الغدا جاهز
اتغدوا مع بعض وخلصوا وحضروا فيلم
فارس: حقيقى نورتونا انهاردة
لا حول ولا قوة الا بالله العلي العظيم ♥️
علي: شكرًا يا فارس يلا يا هنا
هنا: انا هعقد مع حور شوية حضرتك امشي انا هاخد تاكسي
علي بضيق: تمام
خرج علي فارس وحور بصوا لهنا بأستغراب من طريقتها فى الكلام مع علي
حور: هو فيه ايه
هنا: مفيش يلا انا همشي هبقى اكلمك بعدين
حور: ماشي
فى ظهر اليوم التالي هنا رنيت على حور
حور: الو
هنا: حور عايزكي ضروري تيجي معايا المول
حور: ليه
هنا: خطوبة اسراء اختي اتقدمت وأنا لازم اروح انهاردة اجيب الفستان
حور: امم طب استني هرن على فارس ابلغه
هنا: ماشي بس بسرعة يا حور انا جايلك دلوقتي
حور: ماشي
رنيت حور على فارس كذا مرة بس موبايله مغلق سمعت جرس الباب وراحت تفتح
هنا: انتي لسه ملبستيش يا حور
حور: برن على فارس وفونه مغلق شكله فى عملية اعمل انا ايه دلوقتي
هنا: طب البسي واحنا هنفضل نرن عليه لحد اما يفتح
حور: ماشي
كانت واقفة قدام المرايا وبتعدل نقابها بصيت على الاسورة
حور: البسها لا خايفة تقع مني دي غالية اوي وكمان من فارس مش هلبسها وخلاص
خرجت كانت هنا قاعدة فى الصالة
حور: برن عليه مقفول برضوا
هنا: طب قولي لخالتو عزة وهي تبقى تبلغه اما يجي
حور: تمام
حور بلغت مامتها وبعد الحاح منها عزة وافقت بس قالتلها تفضل ترن على فارس عشان تبلغه انها خرجت لانه منبه على الكل ان حور متخرجش من غير اذنه
وصلت حور وهنا المول
حور: هنا انا خايفة اوي من فارس لو عرف اني خرجت من غير اذنه هيزعقلي جامد
